ალუბლის შესახებ

კარგა ხანი ვფიქრობდი როგორ დამეწერა “ჩემ შესახებ”, რამდენჯერმე გადავიფიქრე, ბოლოს მომბეზრდა ამდენი გადადება და გადავწყვიტე გაგეცნოთ

მქვია ლიკა
ვარ – სტუდენტი;
მყავს – “ქიმიური და” ანუ “ჩემი სულიერი ტყუპის ცალი”
მაქვს – იუმორის ჩემეული გრძნობა, რომელიც მზიან ამინდში აქტიურდება, თუმცა ხუმრობა ზამთარშიც მესმის
მიყვარს – შოკოლადი, კითხვა, ყავა, ჩაი (ზამთარში),ნაყინი ( მარწყვით ან ალუბლით), ფეხბურთი, ცეკვა, კიდე როცა კარგ ხასიათზე ვარ სხვისი ნერვების მოშლაც, ჩემი ლეონარდო დიკაპრიო და მონიკა ბელუჩი, მთელი ბარსელონა მიყვარს ( კლუბიც და ქალაქიც) და კიდევ უამრავი რამ, რასაც ვეღარ ვიხსენებ;
ვოცნებობ – ერთდროულად ათას რამეზე. მინდა ვნახო ლონდონი, ბარსელონა და ერთხელ მაინც მოვხვდე ნოუ კამპზე…
ვფიქრობ – ბევრი რამის გაკეთება შემიძლია, სიზარმაცე რომ არ მიშლიდეს ხელს;
ვნანობ – ბევრ დამოუკიდებლად მიღებულ გადაწყვეტილებას;
მაინტერესებს – ყველაფერი, რაც ჩემს ირგვლივ ხდება, რასაც ვხედავ და ვერ ვხედავ…
მაღიზიანებს – როცა ცუდ ხასიათზე ვარ ყველაფერი;
მეშინია – სისულელე არ წამომცდეს რამე
ვეძებ – გამუდმებით საკუთარი თავის ძიებაში ვარ;
ვკარგავ – ნივთებს,თანაც სახლში, როცა მჭირდება ვერაფერს ვერ ვპოულობ, არადა როცა არ მჭირდება თვალში მეჩხირება;
ვინახავ – ძველ ფოტოებს და საყვარელ სათამაშოებს;
მახსოვს – თითქმის არაფერი, საშინელი მახსოვრობა მაქვს, თუმცა არასდროს დამავიწყდება როგორ მიკბინა ჩემი მეზობლის ძაღლმა
მრცხვენია – საჭიროზე მეტი რამის;
მიკვირს – ამდენ იდიოტს როგორ უძლებს დედამიწა;
მწყინს – ზოგჯერ ისეთი სისულელეები სათქმელადაც არ ღირს
მიხარია – გადადით შემდეგზე;
ვდარდობ – როცა არაფერი მიხარია;
ვაკეთებ – ბევრ რამეს, თუმცა მაინც უსაქმური მგონია ჩემი თავი
ვხარჯავ – დროს, ფულს და ენერგიას;
ვკამათობ – ხშირად, მაგრამ არასდროს ვკარგავ წონასწორობას;
ვუხეშობ – ხანდახან, როცა იძულებულს მხდიან;
ვყოყმანობ – თანაც როგორ
ვკითხულობ – ხშირად კონსპექტებს, თუმცა გამოცდებს შორის წიგნის წაკითხვასაც ვასწრებ;
ვამზადებ – ყავას და ცხელ შოკოლადს;
ვუყურებ – ფილმებს და ფეხბურთის მატჩებს;
ვუსმენ – ბობ მარლის, Placebo, Deep Purple, Nirvana, PINK FLOYD და კიდევ მილიონს; ამ ბოლო დროს ესპანური სიმღერებიც შემიყვარდა, ჰოდა გამოვუჭედე ყველას ყურები
ვცხოვრობ – ხვალინდელი დღის მოლოდინით;
ვაგროვებ – ბედნიერად გასახსენებელ წუთებს;
ვიტყუები – ხანდახან, როცა საქმე მოითხოვს;
ვგიჟდები – გაგიჟებული ვარ უკვე
ვიზიდავ – იდიოტებს და არანორმალურებს;
ვალამაზებ – საკუთარ ცხოვრებას, როგორც შესაძლებელია…

მოკლედ სულ ეს იყო;
ვერ გეტყვით ჩემს ბლოგს შემოსვლის დღიდან ვერ დაივიწყებთთქო, მაგრამ ვეცდები მხიარული და საინტერესო ვიყო და ხშირად შევძლო თქვენი აქ შემოტყუება